صديقي، منظور احمد: نامياري شاعر منظور حسين 9 ڊسمبر 1892ع تي امروهه (ڀارت) ۾ جنم ورتو. هن مڊل تائين تعليم ڳوٺ مان ورتي ۽ 1913ع ۾ تعليم مڪمل ڪيائين. 1915ع ۾ ٽيچرز ٽريننگ اسڪول ۾ پهريون نمبر پوزيشن کڻي پاس ٿيو. تعليم مڪمل ڪري هن پنهنجي عملي زندگيءَ جي شروعات درس ۽ تدريس سان ڪئي. هو مختلف اسڪولن ۾ نوڪري ڪرڻ بعد هيڊماستر جي حيثيت سان 1952ع ۾ رٽائر ٿيو، رٽائر ٿيڻ کانپوءِ هي حيدرآباد، سنڌ آيو. هن شاعريءَ جي شروعات 1914ع کان ڪئي. سندس لکيل ڪتابن ۾: ‘برق تخيل’ (شعري مجموعو) 1924ع، رُباعيات افسر (شعري مجموعو: 1924ع)، ‘تابش خيال’ (شعري مجموعو: 1929ع)، ‘شهاب تخيل’ (شعري مجموعو: 1939ع)، ‘هادي الجمع قواعد’ (1923ع)، ‘تذڪره عروس الاذڪار’ (1975ع)، ‘بياض مراثي’ (ترتيب: 1975ع)، ‘مصحفي حيات ۽ ڪلام: 1975ع)، ‘تلامذه مصحفي’ (1977ع)، ‘مثنوي عاقبت بخير’ (ترتيب: 1981ع)، ‘مثنوي نو سرهار’ (ترتيب: 1975ع)، ‘تلامذه مصحفي’ (1977ع)، ‘مثنوي عاقبت بخير’ (ترتيب: 1981ع)، ‘مثنوي نو سرهار’ (ترتيب:1983ع)، ‘مخطوطات انجمن ترقي اردو پاڪستان’ (اٺ جلد)، ‘تذڪره شعراءَ برهان پور ڪلام’ ۽ ‘غالب جي شرحين نامي’ عنوان به شايع ٿي چڪا آهن. هن 9 فبروري 1984ع تي وفات ڪئي.
1892.12.09 عيسوي
شاعر منظور حسين 9 ڊسمبر 1892ع تي امروهه (ڀارت) ۾ جنم ورتو.
1984.02.09 عيسوي
منظور حسين 9 فبروري 1984ع تي وفات ڪئي.